የኢትዮጵያ ቴሌኮሙኒኬሽን ሠራተኞች ማኅበር መጀመሪያ ጥር 8 ቀን 1958 ዓ.ም ተመሠረተ፡፡ እንዲሁም መጋቢት 17 ቀን 1968 ዓ.ም. እንደገና ተደራጅቶ እና ተጠናክሮ ተመስርቷል፡፡ ማህበሩ የሰራተኛውን የስራ ዋስትና እና ደህንነት ለማስጠበቅ፤ የሰራተኛው ምርታማነት በማሳደግ ከተቋሙ የተሻለ የጥቅም ተጋሪ የሚሆንበትን አቅጣጫ ከማኔጅመንት ጋር በመነጋገር ማስቀመጥ፤ የተቋሙን ራዕይ ፤ ተልዕኮና ዓላማን ለማሳካት ከማኔጅመንት እንዲሁም ከሰራተኛው ጋር በየጊዜው በመመካከር የተሻለ ውጤት እንዲመዘገብ የራሱን አስተዋፅኦ ማድረግ፤ የሰራተኛውን ጥቅማጥቅም ለማስከበርና ከቀደመው የተሻለ መብትና ጥቅም ለማስገኘት በየጊዜው በሁለትዮሽ ላይ የተመሰረተ የህብረት ስምምነት ከማኔጅመንት ጋር በመደራደር እንዲሁም በትክክል ለመፈጸሙ በየደረጃው ክትትል በማድረግ ኢኮኖሚያዊ እና ማህበራዊ ፍላጎታቸው የተሟላ ሰራተኞች እንዲኖሩ ማስቻል፤ እና ሌሎችንም አላማዎች ለማሳካት ይህ ማህበር ተመስርቷል፡፡
ይህ አንጋፋና ነባር ማህበር በ2003 ዓ.ም የኢትዮጵያ ቴሌኮሙኒኬሽን በአዋጅ ሲፈርስ ማህበሩም ትልቅ ችግር ውስጥ ወድቆ የነበረ ሲሆን በወቅቱ ብዙ ሰራተኞች ከስራ ቅነሳ ጋር በተያያዘ ችግር ላይ እንዳይወድቁ አስፈላጊውን ህጋዊ ድጋፍ አድርጓል፡፡ በመቀጠልም አዲስ በተቋቋመው ኢትዮ ቴሌኮም ውስጥ ማህበሩ እንደ አዲስ ቀሪ አባላትን በመያዝና አዳዲስ አባላትን በመጨመር በ4000 አባላት እንደገና ተቋቋመ፡፡ በሂደትም ከዚያ ቀደም ከነበሩት የህብረት ስምምነቶች በሙሉ የተሻለ የህብረት ስምምነት ከማኔጅመንቱ ጋር በማድረግ ለሰራተኛው ጥቅማጥቅም፤ መብትና ደህንነት መቆሙን በማረጋገጡና የስራ ዋስትናውንም በተገቢው መንገድ በማስጠበቁ አዳዲስ አባላት በየጊዜው እንዲቀላቀሉ እና ሙሉ እምነት በማህበራቸው ላይ እንዲኖራቸው አስችሏል ፡፡ በዚሁ መሰረት አሁን ላይ ከአስራ ሁለት ሺ በላይ አባላት በማህበራችን በመታቀፍ የተለያዩ ጥቅማጥቅሞችን ከማህበራቸው በማግኘት ላይ ይገኛሉ፡፡
መብትና ጥቅሙ የተከበረለት ሀላፊነቱን በአግባቡ የሚወጣና በስራው የረካ ሰራተኛ መፍጠር፡፡
የማህበሩ አባላትን መብት፤ ጥቅምና ደህንነት በማስከበር ማህበራዊና ኢኮኖሚያዊ ፍላጎታቸው እንዲሟላ ምርታማነታቸው እንዲጎለብትና ሰራተኞች ፍትሐዊ ተጠቃሚ እንዲሆኑ በማድረግ የድርጅታችንን ተልዕኮ በአጭር ጊዜ ውስጥ እንዲሳካ በማገዝ በሀገሪቱ ግንባር ቀደም ማህበር መሆን ነው፡፡
በውይይትና በቅን መንፈስ የመደራደር ባህል ያጎለበተ ማህበር እንዲሆን መትጋት፡፡
ለአባላቶቻችን የላቀ አገልግሎት ለመስጠት ዘወትር በጥራት፤በቅልጥፍና እና በቁርጠኝነት መስራት
ሁሉንም አካላት ያለምንም አድሎ በእኩልነት፤በታማኝነት በቅንነት እናገለግላለን
የአባል ሠራተኞችን ፍላጎትና እሴት በማክበር ፈጣን ምላሽ መስጠት፡፡
የተቋማችንን የማህበራችንንተልዕኮ ለማሳካት በጋራ በመንቀሳቀስና በመደጋገፍ ተቀናጅተን ለውጤት እንተጋለን
በሀቀኝነት፣ በግልፀኝነት እና በታማኝነት ሃላፊነታችንን መወጣት፡፡
በጠንካራ ተነሳሽነት እና በባለቤትነት ስሜት ተልዕኳችንን ማሳካት
ቀደም ሲል የኢትዮጵያ ቴሌኮሙኒኬሽን ኮርፖሬሽን በመባል የሚታወቀው ኢትዮ ቴሌኮም ኢንተርኔት እና የስልክ አገልግሎቶችን የሚያቀርብ የተቀናጀ የቴሌኮሙኒኬሽ አገልግሎት ሰጪ ድርጅት ነው ፡፡ ኢትዮ ቴሌኮም በኢትዮጵያ መንግስት የተያዘ ሲሆን በኢትዮጵያ ውስጥ በሁሉም የቴሌኮሙኒኬሽን አገልግሎቶች ላይ ብቸኛ ተቋም ነው፡፡
አለም አቀፍ የሰራተኞች ድርጅት እ.ኤ.አ. ከ 1919 ጀምሮ የተመሰረተ ሲሆን የ 187 አባል ሀገራት መንግስታት ቀጣሪዎች እና ሠራተኞች የያዘና የሠራተኛ ደረጃን ለማቋቋም ፣ ፖሊሲዎችን ለማዳበር እና ለሁሉም ሰራተኞች ተገቢ የሆነ የሥራ አቅምን ለማሳደግ የሚያስችሉ መርሃግብሮችን ያወጣል ፡፡ አለም አቀፍ የሰራተኞች ድርጅት በ 1946 የተባበሩት መንግስታት ልዩ ድርጅት ሆኖ ተመዘግቧል፡፡
የሠራተኛና ማኀበራዊ ጉዳይ ሚኒስቴር በ1949 ዓ.ም. በትዕዛዝ ቁጥር 15 መሠረት /የሕዝባዊ ኑሮ ዕድገት ሚኒስቴር/ በሚል ስያሜ ተቋቋመ፡፡ ከ1958 ዓ.ም. ጀምሮ በትዕዛዝ ቁጥር 46 የሠራተኛ ጉዳይን በመጨመር የሕዝባዊ ኑሮ ዕድገትን፤ ማህበራዊ ደህንነትን፤ የአሠሪና ሠራተኛን ጉዳዮች የሚያካትቱ ኘሮግራሞችን እንዲያከናውን ሥልጣንና ኃላፊነት ተሰጥቶት /የሕዝባዊ ኑሮ ዕድገትና የማኀበራዊ ጉዳይ ሚኒስቴር/ ተባለ፡፡ በ1969 ዓ.ም. በወጣው አዋጅ ቁጥር 127 መሠረት አሁን የሚጠራበት ስያሜ የተሰጠው ሲሆን፤ የአሠሪና ሠራተኛ ጉዳይ እንዲሁም የማኀበራዊ ደህንነት ሥራዎችን በማስተባበርና በማስፈፀም ላይ ይገኛል፡
የኢትዮጵያ ሰራተኛ ማህበራት ኮንፌዴሬሽን በርካታ የሰራተኛ ማህበራትን እና የሰራተኛ ራስ አገዝ ማህበራትን አቅፎ የሚይዝ በማህበራት ስብስብ የተቋቋመ ድርጅት ነው፡፡
የኢትዮጵያ ትራንስፖርትና መገናኛ ኢንዱስትሪ ማህበራት ፌዴሬሽን
ሰራተኛ ማለት ከኢትዮ ቴሌኮም ጋር በቅጥር ላይ የተመሠረተ የስራ ግንኙነት ያለው ግለሰብ ነው፡፡
የኢትዮ ቴሌኮም መሰረታዊ ሠራተኞች ማኀበር የኢትዮ ቴሌኮም አደረጀጀትን ተከትለው፤ በሪጅኖች፣ በዞኖች፣ በዋናው መ/ቤት፣ በለገሀር /ከስተመር ሰርቪስ/ ፣ አይ.ኤስ.፣ ኦ.ኤንድ ኤም. ፣ በኔትዎርክ ዋና ክፍል፣ በሶርሲንግ እና ፋሲሊቲ ዋና ክፍል እና በዘርፍ ስር የሚደራጁ የዘርፍ ዘርፍ ማኀበራት ይሆናሉ፡፡
በህብረት ስምምነቱ የተደነገጉትን የዲሲፕሊን ጥሰትን የፈፀመ ሰራተኛ በመመሪያዉ መሰረት አስተማሪ የሆነ የዲስፕሊን እርምጃ መወሰዱን የሚከታተልና ሰራተኞች ከዲሲፕሊን ግድፈት እራሳቸውን እንዲጠብቁ ለማድረግ የተለያዩ ሃሳቦችን በማቅረብ የማስተማር ስራ የሚሰራ ኮሚቴ ነዉ፡፡
ሰራተኛዉ ስራዉን በተሳለጠ መልኩ እንዲያከናዉን በሚሰራበት አቅሪቢያ የእረፍት ጊዜዉን በአግባቡ ተጠቅም ወደ ስራዉ እንዲመለስ የክበብ አገልግሎት መኖሩን ከሌለም እንዲቃቋም ከድርጅቱ ማናጅመት ጋር በመሆን በመመሪያዉ መሰረት እንዲፈጸም የሚያደርግ ኮሚቴ ነዉ ፡፡
በህብረት ስምምነት መሰረት በተቋሙ ውስጥ ሰራተኞች በሚሳተፉባቸው እድገትና ዝውውር ስራዎች ላይ ተሳታፊ በመሆን በተቀመጠው መስፈርት መሰራቱን የሚያረጋግጥ ኮሜቴ ነው፡፡(ረቂቅ)
በየደረጃዉ ያሉ የማህበር የአመራር አካላት በማህበር ቆይታቸዉ የማህበሩን ስራ በሚሰሩበት ጊዜ በእዉቀት ላይ የተመሰረተ አገልግሎት ለማህበሩ አባላት እንዲሰጡ ያስችላቸዉ ዘንድ የአመራር ክህሎታቸዉን ለማዳበር ከባለ ድርሻ አካለት ጋር በመሆን ስልጠና የሚያዘጋጅ ኮሚቴ ነዉ፡፡
